بسطيلة السمك

06.01.2013

السلام عليكم

اليوم جربت الورقة ؤ جات مزيانة ؤ قلت علاش منعمرهاش بحال البسطيلة ؤ جات لديدة بزاف والله نتمنى تعجبكم

في مقلاة كنشحرو الكرعة الفطر الجزر الثوم محكوك المعدنوس والتوابل

من بعد كنضيفو السمك وورقة موسى والزيتون ونخليو الكل فوق النار حتى يطيب

ثم نضيف الشعرية الصينية مسلوقة ومقطعة بالمقص

هنا لتحضير الورقة كنحتاجو كاس مائ كاس دقيق ملح معلقة زيت

نخلط كلشي

ثم ندهنو المقلاة بالعجين لي حضرنا بواسطة الشيتة

لازم ندهنو مزيان المقلة منخليوش تبلاصة فارغة

نطيبوها في حمام مريم

نحيدوها من المقلة وندهنوها بالزيت

الصور توضح الباقي

ممكن ندهنوها بالبيض باش تجي محمرة انا مدهنتهاش نسيت وندخلوها الفرن حتى تنضج